Ioannes Frobenivs Candido Lectori S.D. En Novvm Testamentvm, Ex Erasmi Roterodami Recognitione, iam quartum damus studiose lector, adiecta uulgata translatione, quo protinus ipsis oculis conferre possis, quid conueniat quid dissideat. Hic non sine graui tedio nostro, tibi tediu ademimus. Adiecta est Pauli peregrinatio Latina, cum praefatione Chrysostomi, in omnes epistolas Pauli. In annotationibus præterquam quod autor exactiora reddidit omnia, magnam accessionem adiunxit ex Græcorum uoluminibus eque uetustissimis exemplaribus Latinis, quæ nuper est nactus. Cuis in recognoscendo summa diligentiam, nos in excudendo sumus imitati. Si proxima satiffecit, fateberis hic Frobenium superatum. Accessit & locorum annotatu dignorum index non asperandus. Fruere, notrisque conatibus faue.